Tətbiqi riyaziyyat ETİ-də elmi seminar keçirilib

18 Mart 2022 09:49

Bakı Dövlət Universitetinin (BDU) Tətbiqi riyaziyyat Elmi-Tədqiqat İnstitutunda 27 Mart - Azərbaycan Respublikasında “Elm günü”nə həsr olunmuş tədbirlər çərçivəsində elmi seminar keçirilib.

Seminarda İnstitutun direktoru, akademik Fikrət Əliyev ““Elm günü” ərəfəsində BDU-nun Tətbiqi riyaziyyat ETİ-nin əldə etdiyi elmi uğurlar" mövzusunda məruzə ilə çıxış edib.

Fikrət Əliyev məruzədə son illərdə İnstitutda əldə olunan elmi nəticələr və onların praktik tətbiqi, aparılan elmi-təşkilati fəaliyyət haqqında danışıb.

Fikrət Əliyev qeyd edib ki, İnstitut beynəlxalq əlaqələrin genişləndirilməsini də həmişə diqqət mərkəzində saxlayır, dünyanın müxtəlif ölkələrində yerləşən elm və təhsil müəssisələri ilə səmərəli əməkdaşlıq qurur.