AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) rektoru Elçin Babayev və nümayəndə heyəti İstanbul Texniki Universitetinə (İTU) səfər edib.

Səfər zamanı BDU və İTU arasında anlaşma memorandumu və “Erasmus” mübadilə protokolu imzalanıb, İTU ilə tanışlıq baş tutub.

Anlaşma memorandumuna əsasən, qarşılıqlı məqbul olan sahələr çərçivəsində müəllim və tədqiqatçı alimlərin, elmi materialların və məlumatların mübadiləsi, birgə tədqiqat layihələrinin aparılması, ikili diplom proqramlarının həyata keçirilməsi üzrə əməkdaşlıq həyata keçiriləcək.

Görüşdə növbəti ilin fevral ayından BDU və İTU arasında “Erasmus” mübadilə proqramına başlanılması da qərara alınıb.