BDU-nun nəzdində “Gənc istedadlar” liseyində Dünya Azərbaycanlılarının Həmrəyliyi Günü qeyd olunub
Bakı Dövlət Universitetinin (BDU) nəzdində “Gənc istedadlar” liseyində Dünya Azərbaycanlılarının Həmrəyliyi Günü münasibətilə tədbir keçirilib.
Əvvəlcə Dövlət himni səsləndirilib, sonra Ümummilli Lider Heydər Əliyevin və torpaqlarımızın azadlığı uğrunda həlak olan şəhidlərimizin əziz xatirəsi bir dəqiqəlik sükutla yad edilib.
“Gənc istedadlar” liseyinin direktoru Arif Bağırov Dünya Azərbaycanlılarının Həmrəyliyi Gününün əhəmiyyətindən, Ulu Öndər Heydər Əliyevin azərbaycançılıq ideologiyasının milli birliyimizin yaranmasında rolundan danışıb. Dünya Azərbaycanlılarının Həmrəyliyi Günü dünyada yaşayan 50 milyondan artıq azərbaycanlını birləşdirən tarixi gündür. Bu günün əhəmiyyəti ildən-ilə daha da artır. Liseyin direktoru Vətən müharibəsi dövründə dünya azərbaycanlılarının Ali Baş Komandan İlham Əliyevin ətrafında sıx birləşdiyini, bu mübarizədə birlik, həmrəylik nümayiş etdirdiyini qeyd edib.
Tədbir liseyin musiqi müəllimi Kəmalə Əliyevanın təşkilatçılığı ilə hazırlanan bədii hissə ilə davam edib.
