AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Kimya və Biologiya fakültələrinin əməkdaşları üçün təlim təşkil olunub. Təlimçi kimi rektorun keyfiyyət təminatı üzrə müşaviri Asiman İlyasov çıxış edib. Təlimdə tələbəyönlü və kompetensiya əsaslı tədrisin təşkilinə dair təlim iştirakçılarına geniş məlumat verilib. Təlimdə fakültələrin akademik, inzibati və tədris köməkçi heyəti iştirak edib. Sonra iştirakçıları maraqlandıran suallar cavablandırılıb. Qeyd edək ki, təlim silsilə olaraq digər fakültələrdə də keçiriləcək.