20-ci Vişegrad Yay Məktəbinə qəbul başlayıb

8 Aprel 2022 09:14

Polşanın Krakov şəhərində keçiriləcək 20-ci Vişegrad Yay Məktəbinə qəbul başlayıb.

20-ci Vişegrad Yay Məktəbi 4-14 iyul tarixlərində keçiriləcək.

10 günlük proqram çərçivəsində iştirakçılar üçün mühazirə, seminar, təlim və təhsil səfərləri təşkil olunacaq. Həmçinin iştirakçılar proqramın “Vişegrad Ted-ex Talks” formatında keçiriləcək bağlanış mərasimində qrup və fərdi şəkildə qısa təqdimatla çıxış edəcəklər.

Proqramda iştirak gənc mütəxəssislərə Avropa ekspertləri və ziyalıları ilə görüşməyə, biliklərini artırmağa, ideya, təcrübə və fikir mübadiləsi aparmağa imkan verəcək.

Ətraflı məlumat və ərizə forması ilə bu elektron ünvanda tanış ola bilərsiniz: https://www.visegradsummerschool.org/how-to-apply-2017