Pakistan universitetlərinin nümayəndə heyəti BDU-da
Pakistanın Quaid-I-Azam Universiteti və İslamabad Fond Univetrsitetinin nümayəndə heyəti Bakı Dövlət Universitetində (BDU) olub. Quaid-I-Azam Universitetinin “Alfa” genomika şirkətinin direktoru İbrar Əhməd, professorları Məhəmməd İştiaq, Monireh Bahram, İslamabad Fond Universitetinin Tədqiqat və İnnovasiyalar Mərkəzinin direktoru Shagufta Akhtar, Biznes İnkubasiya Mərkəzinin meneceri Syed Taimoor Hassan molekulyar biologiya, botanika, bioinformatika sahələrində BDU ilə birgə tədqiqat perspektivləri üzrə müzakirələr aparıblar.
Görüşdə BDU-nun Elmi fəaliyyətin təşkili və innovasiyalar Mərkəzinin direktoru Mais Süleymanov, Beynəlxalq əlaqələr şöbəsinin müdiri Rauf Həsənov, Biologiya fakültəsinin dekanı Afət Məmmədova, fakültənin professor-müəllim heyəti iştirak edib.