AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universiteti (BDU) ilə Türkiyənin Çukurova Universiteti arasında “Erasmus” mübadilə protokolu imzalanıb.
Müqaviləni BDU-nun rektoru Elçin Babayev və Çukurova Universitetinin rektoru Meryem Tuncel imzalayıb. Müqavilə çərçivəsində bakalavr, magistr, tədqiqatçılar və akademik heyətin mübadiləsi nəzərdə tutulur.
Qeyd edək ki, Çukurova Universiteti Türkiyənin ən nüfuzlu universitetlərindən biridir. QS WUR reytinqində 1401-ci pillədə yer alan Çukurova universitetində 19 fakültə, 4 institut, 11 peşə məktəbi və 1 konservatoriya fəaliyyət göstərir və 38000-ə yaxın tələbə təhsil alır.