BDU THİK-in 50 illik yubileyinə həsr olunmuş “Nə? Harada? Nə zaman?” intellektual oyunu

SOSİAL 31 Oktyabr 2024 14:39

Bakı Dövlət Universitetinin (BDU) Tələbə Həmkarlar İttifaqı Komitəsinin (THİK) 50 illik yubileyinə həsr olunmuş “Nə? Harada? Nə zaman?” tipli fakültələrarası intellektual oyun keçirilib.

Əvvəlcə Dövlət himni səsləndirilib, torpaqlarımızın azadlığı uğrunda həlak olan şəhidlərimizin əziz xatirəsi bir dəqiqəlik sükutla yad edilib.

Üç turdan ibarət olan intellektual oyun Gənclər Fondunun əməkdaşı Zaur Osmanov tərəfindən koordinasiya edilib. Oyunun nəticələrinə əsasən, BDU-nun Tarix fakültəsinin komandası I, Beynəlxalq münasibətlər və iqtisadiyyat fakültəsinin komandası II, Hüquq fakültəsinin komandası isə III yerə layiq görülüb.

Qalib komandalar BDU THİK tərəfindən sertifikat və hədiyyələrlə təltif edilib.