BDU tələbələri ilə “YARAT” Müasir İncəsənət Mərkəzinin nümayəndələrinin görüşü
-lg.jpg)
Bakı Dövlət Universitetinin (BDU) Tələbə Gənclər Təşkilatının təşəbbüsü ilə "YARAT" Müasir İncəsənət Mərkəzinin nümayəndələri tələbələrlə görüşüblər.
Mərkəzin əməkdaşları Leyla Məmmədzadə, Zəhra Məmmədova və Mina Abbasova təqdimatla çıxış edərək tələbələrə həyata keçirlən yerli və beynəlxalq sərgilər, müasir incəsənətin əsas komponentlərini özündə əks etdirən mədəni layihələr barədə məlumat veriblər.
Qeyd olunub ki, YARAT sərgilərin, təhsil proqramları və festivalların təşkil olunması vasitəsilə öz missiyasını həyata keçirir. Mərkəz Azərbaycanda müasir incəsənəti inkişaf etdirmək, ölkədə bu sahədə kolleksiyaçıların sayını artırmaq, biznes və qeyri-biznes şəbəkəsini genişləndirmək, müasir incəsənət pərəstişkarlarını bir araya toplamaq məqsədilə fəaliyyət göstərir.
