AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) rektoru Elçin Babayev BDU-nun nəzdində “Gənc istedadlar” liseyinin məzunu, hazırda Sinqapur Milli Univeristetində (National University of Singapore - NUS) kimya mühəndisliyi ixtisası üzrə təhsil alan Nəriman Şirinli ilə görüşüb.

Rektor qeyd edib ki, BDU-nun nəzdində “Gənc istedadlar” liseyinin məzunlarının demək olar hamısı dünyanın və ölkənin aparıcı universitetlərinə qəbul olurlar.  Kimya üzrə yerli və beynəlxalq olimpiadaların qalibi Nəriman Şirinli də “Gənc istedadlar” liseyinin fəxri məzunlarındandır.

Rektor Nəriman Şirinlinin təhsili, tələbə həyatı, planları ilə maraqlanıb, ona uğurlar arzulayıb.