AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) rektoru Elçin Babayev Beynəlxalq münasibətlər və iqtisadiyyat fakültəsinin I kurs tələbələri ilə görüşüb.  
Rektor tələbələrə ölkənin ən böyük və ilk universiteti olan BDU-nun tarixi, tədris və elmi fəaliyyəti, Azərbaycanın ictimai-siyasi həyatında önəmi haqqında məlumat verib.  
Qeyd edib ki, BDU ailəsinin üzvü olmaq, yüksək ixtisaslı kadr kimi yetişmək hər bir gəncdə qürur hissi yaratmalıdır. Rektor tələbələrə Azərbaycanın gələcək inkişafı üçün peşəkar diplomatlara və iqtisadçılara xüsusi ehtiyac duyulduğunu xatırladıb, onlara yaxşı oxumağı, Universitetin ictimai-siyasi və sosial həyatında yaxından iştirak etməyi tövsiyə edib.