BDU-nun “Tələbə evi”nin qarşısında "Heydər Əliyev İli"nə həsr olunmuş ağacəkmə aksiyası
Bakı Dövlət Universiteti (BDU) və Yasamal rayon İcra Hakimiyyətinin təşkilatçılığı ilə "Heydər Əliyev İli"nə həsr olunmuş ağacəkmə aksiyası keçirilib.
Aksiyada BDU rektoru Elçin Babayev, Yasamal Rayon İcra Hakimiyyətinin başçısı Elşad Həsənov, Meliorasiya və Su Təsərrüfatı Açıq Səhmdar Cəmiyyətinin sədri Zaur Mikayılov, "BDU könüllüləri" təşkilatının üzvləri, yerli idarə və təşkilat təmsilçiləri, Yasamal bələdiyyəsinin və rayon ictimaiyyətinin nümayəndələri iştirak ediblər.
Aksiya zamanı Eldar şamı, sərv, akasiya və digər növ ağaclar əkilib, ərazidə abadlıq işləri aparılıb, yaşıllıqlara aqrotexniki qulluq göstərilib. Ərazidə daha öncə əkilmiş ağaclar suvarılıb, taxta dirəklərlə möhkəmləndirilib. Aksiyanın keçirilməsində məqsəd ətraf mühiti qorumaq və ictimaiyyətin diqqətini yaşıllıqların qorunmasına yönəltməkdir.
