AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Sosial elmlər və psixologiya fakültəsinin Psixologiya kafedrasının müdiri, dosent, psixologiya üzrə fəlsəfə doktoru Səxavət Əliyeva Türkiyə Respublikasının Ankara Sosial Elmlər Universitetində səfərdə olub.

Səfər zamanı Səxavət Əliyeva Universitetin rektoru, professor Musa Kazım Arıcan ilə görüşüb. Görüşdə hər iki universitetin Psixologiya kafedraları arasında gələcək əməkdaşlıqla bağlı fikir mübadiləsi aparılıb.

Görüşdən sonra kafedra müdiri Ankara Sosial Elmlər Universitetinin Sosial və humanitar elmlər fakültəsinin Psixologiya kafedrasında magistratura və bakalavriatura səviyyələrində keçirilən dərslərin metodları ilə yaxından tanış olub.