AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Elmi Kitabxanası Azərbaycan ədəbiyyatının görkəmli nümayəndəsi, tərcüməçi, Əməkdar mədəniyyət işçisi, Xalq şairi Nigar Rəfibəylinin anadan olmasının 110 illiyinə həsr edilən kitab sərgisi təşkil edib. Sərgidə şairənin Azərbaycan və xarici dillərdə nəşr edilmiş kitabları, tərcümə və tərtib etdiyi, redaktoru olduğu kitablar, sözlərinə yazılmış mahnıların yer aldığı nəşrlər, haqqında yazılan kitablar nümayiş olunur.

Nümayiş olunan kitablar sırasında onun hələ həyatdaykən işıq üzü görən “Я люблю тебя, человек” (1958), “Dənizin səsi gəlir” (1964), “Ana səsi” (1969) və s. kimi şerlər kitabları da yer alır.

Şairənin doğum gününə həsr olunan sərgi bu həftənin sonuna qədər ziyarətçilərin üzünə açıq olacaq.