BDU-da erməni dilinə dair təlim keçirilib
“BDU könüllüləri” təşkilatı və Tələbə Həmkarlar İttifaqı Komitəsinin (THİK) Filologiya fakültəsi üzrə üzvlərinin təşkilatçılığı ilə erməni dilinə dair təlim keçirilib.
BDU-nun Erməni Araşdırmaları və Təlim Mərkəzinin direktoru İsmayıl Tanrıverdi qeyd edib ki, erməni dilini bilmək erməni tarixini və ədəbiyyatını orijinal dildə oxumağa, mənbələrini araşdırmağa, ermənilərin Azərbaycana qarşı əsassız iddialarına elmi şəkildə cavab verməyə kömək edir. Bu dili bilmək eyni zamanda informasiya müharibəsində daha üstün mövqeyə sahib olmağa, yarana biləcək töhlükələri qabaqcadan təhlil etməyə imkan yaradır.
Daha sonra İsmayıl Tanrıverdi erməni dilinin tarixi və morfoloji quruluşu haqqında tələbələrə məlumat verib.
Sonda mövzu ətrafında müzakirələr aparılıb, tələbələrin sualları cavablandırılıb.
