BDU-da "Elektron informasiya resurslarının menecmenti“ mövzusunda elmi seminar
Bakı Dövlət Universitetində (BDU) Elmi Kitabxananın, İnformasiya və sənəd menecmenti fakültəsinin və Azərbaycan Kitabxana İnformasiya Konsorsiumunun birgə təşkilatçılığı ilə "Elektron informasiya resurslarının menecmenti" mövzusunda elmi seminar təşkil olunub.
Elmi seminarda EBSCO şirkətinin MDB ölkələri üzrə direktoru Andrey Sokolov mövzu ilə bağlı məruzə edib. Andrey Sokolov məruzəsində əvvəlcə ənənəvi informasiya resursları ilə elektron resurslar arasında müqayisəli təhlillər aparıb, onların fərqli və üstün tərəfləri barədə prinsipial məsələləri şərh edib. Natiq ötən əsrin sonlarından başlayaraq dünyada elektron informasiya xidmətlərinin meydana gəldiyini və sürətlə inkişaf edərək müxtəlif parametrlər üzrə üstünlük qazandığını vurğulayıb. Qeyd edib ki, elektron informasiya resursları məzmun və forma baxımından, eyni zamanda da operativliyinə görə geniş imkanlara malikdir.
Andrey Sokolovun məruzəsi geniş diskussiyaya səbəb olub. Mütəxəssis əməkdaş və tələbələrin mövzu ilə bağlı çoxsaylı suallarını cavablandırıb.
