AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Ekologiya və torpaqşünaslıq fakültəsinin tələbələri Azərbaycan İstiqlal Muzeyi və Azərbaycan Rəssamlıq Akademiyasının birgə təşkilatçılığı ilə "Yaşıl dünya naminə həmrəylik ili" və COP29 çərçivəsində təşkil edilmiş “Yaşıl Vətən, yaşıl dünya” adlı tədbir-sərgidə iştirak ediblər.

Sərgidə rəngkarlıq, dəzgah grafikası, plakatlar və qobelen kimi 40-dan çox əsər nümayiş olunub. Bu əsərlərdə Azərbaycan xalqının öz Vətəninə məhəbbəti, zəngin və rəngarəng təbiətimiz aydın şəkildə əks olunub. Sərginin bədii hissəsində Bülbül adına tam orta musiqi məktəbinin şagirdləri canlı ifaları ilə çıxış ediblər.