BDU könüllüləri Dirçəliş Günü ilə bağlı tədbir keçirib

18 Noyabr 2021 14:44

Bakı Dövlət Universitetinin (BDU) Filologiya fakültəsində BDU Könüllülərinin təşkilatçılığı ilə 17 noyabr - Dirçəliş Günü münasibətilə "Dirçəliş Günü" adlı tədbir keçirilib.

Əvvəlcə Azərbaycan Respublikasının Dövlət Himni səsləndirilib.

Filologiya fakültəsinin dekan vəzifəsini icra edən Cavanşir Muradov çıxış edərək Milli Dirçəliş Gününün tarixinə nəzər salıb, əlamətdar günün əhəmiyyətindən danışıb. Daha sonra tədbirdə çıxış edənlər - Filologiya fakültəsinin I kurs tələbəsi Fatimə Şirinova, III kurs tələbəsi Solmaz Sultanlı, I kurs tələbəsi Vüsal Nağıyev Dirçəliş Gününün tarixindən danışıblar.

Sonda Filologiya fakültəsinin I kurs tələbəsi Nərgiz Rüstəmovanın hazırladığı videoçarx təqdim olunub.