BDU-da 2024-cü il üçün doktoranturaya qəbulun nəticələri açıqlanıb
Nazirlər Kabinetinin 2024-cü il 27 mart tarixli 163s nömrəli Sərəncamı ilə təsdiq edilmiş “Azərbaycan Respublikasının ali təhsil müəssisələrinin, elmi müəssisə və təşkilatların 2024-cü il üçün doktorant və dissertant hazırlığı üzrə qəbul planları” əsasında Elm və Təhsil Nazirliyi tərəfindən Bakı Dövlət Universitetinə (BDU) 2024-cü ildə fəlsəfə doktoru proqramı üzrə doktoranturaya 134 (53 əyani və 81 qiyabi olmaqla), dissertanturaya isə 39 yer ayrılıb.
Elmlər doktoru proqramı üzrə doktoranturaya qəbul üçün 21 (2 əyani və 19 qiyabi olmaqla), dissertanturaya isə 12 yer ayrılıb.
Doktoranturaya qəbul imtahanlarının nəticələrinə əsasən, BDU-nun doktoranturasına fəlsəfə doktoru proqramı ilə 85 (41 əyani və 44 qiyabi), dissertantlıq yolu ilə 4 nəfər, elmlər doktoru proqramı üzrə 11 (1 əyani, 10 qiyabi), dissertantlıq yolu ilə 4 iddiaçı qəbul olunub.