Ötən il BDU-da 23 əcnəbi müəllim təlim-tədris prosesinə cəlb olunub
2023-cü ildə Bakı Dövlət Universiteti (BDU) “Erasmus+ KA 171” beynəlxalq müəllim-tələbə mübadilə proqramı çərçivəsində 11 universitetlə müqavilə imzalayıb. Bunlar İstanbul Texniki Universiteti, Eskişehir Universiteti, Alexandru İoan Cuza Universiteti, Karlova Universiteti, Hacettepe Universiteti, Çukurova Universiteti, Bayburt Universiteti, Orta Doğu Texniki Universiteti, Tokat Gaziosmanpaşa Universiteti, Mykolas Romeris Universiteti və Firat Universitetidir. Ötən il proqram çərçivəsində BDU-nun 4 tələbəsi təhsil almaq üçün xaricə göndərilib. İl ərzində BDU-nun 9 əməkdaşı xarici universitetlərdə təcrübə keçib. 2023-cü il ərzində 18 nəfər müxtəlif universitetlərdən gələrək BDU-da təcrübə və tədrislə məşğul olub. Ötən il “Orhun” mübadilə proqramı çərçivəsində 3 tələbə BDU-da təhsil alıb. İl ərzində “Mevlana” proqramı çərçivəsində 2 müqavilə (Muğla Sıtkı Koçman Universiteti, Hacettepe Universiteti) imzalanıb.
2023-cü ildə BDU-da 23 əcnəbi müəllim təlim-tədris prosesinə cəlb olunub.