AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Psixoloji yardım sektoru "Psixologiya klubu" adlı yeni layihəyə başlayıb.

Klubun rəhbəri, sektorun psixoloqu Natəvan Həsənzadə layihə çərçivəsində tələbələrlə görüş keçirib. Görüşdə layihənin məqsədləri, gələcək planlar və tələbələrin gözləntiləri müzakirə olunub.

Tədbirdə tələbələrlə tanışlıq prosesi həyata keçirilib, onların potensialı müəyyən edilib. Həmçinin, psixoterapiyanın əsasları barədə təlim keçirilərək, mövzuya aid praktik məşğələ təşkil olunub.

Qeyd edək ki, layihə 2 ay müddətində davam edəcək. Kluba üzv olan tələbələrə psixoterapiya sahəsində nəzəri və praktiki biliklər veriləcək, onların bu sahədəki bacarıqları inkişaf etdiriləcək.