BDU könüllülərinin “Suraxanı” gəmi-muzeyinə ekskursiyası
Bakı Dövlət Universitetinin “BDU könüllüləri” təşkilatının Beynəlxalq münasibətlər və iqtisadiyyat fakültəsi üzrə üzvlərinin “Azərbaycan Xəzər Dəniz Gəmiçiliyi” QSC-nin (ASCO) “Suraxanı” gəmi-muzeyinə ekskursiyası təşkil edilib.
Ekskursiya zamanı tələbə-gənclərə gəmi-muzeyi və Azərbaycanda gəmiçiliyin inkişafı ilə bağlı məlumat verilib. Sonra könüllülər eksponatlar ilə yaxından tanış olublar.
Qeyd edək ki, “Suraxanı” gəmi-muzeyi dünyada ilk tanker tipli muzeydir. Muzeyin zallarında ən müasir texnoloji avadanlıqlardan istifadə edilməklə bir sıra innovativ yeniliklərə imza atılıb. Burada Xəzərin tarixi, Abşeronda neft hasilatı, gəmiçiliyin inkişafı, naviqasiya alətləri, 5000 ilə yaxın tarixə malik dəniz düyünləri, gəmilərin istismarı zamanı istifadə edilən avadanlıqlar nümayiş etdirilir.
