Konfutsi İnstitutu
Bakı Dövlət Universiteti nəzdindəki Konfutsi İnstitutu – Azərbaycan - Çin təhsil və araşdırma mərkəzidir. İnstitut 2011-ci ilin 22 aprel tarixində Çin dilinin xaricdə tədrisi üzrə Hanban təşkilatının dəsətəyi ilə yaradılmışdır. Konfutsi İnstitutu Bakı Dövlət Universiteti və Anhui Universitetinin İdarə heyətinin rəhbərliyi altında fəaliyyət göstərir. İnstitutun əsas məqsədi Çin dilinin əsaslarının keyfiyyətli tədrisi, universitetlər arasında dostluq və əməkdaşlığı gücləndirilməsi və təhsil sahəsində Azərbaycan və Çin arasında əməkdaşlığın, elmi və mədəni mübadilənin genişləndirilməsidir. Konfutsi İnstitutu gənclərə Çin tarixi, mədəniyyəti və ənənəsini tanıtmaq məqsədilə mütəmadi olaraq mədəni tədbirlər təşkil edir. Bununla da tədbir iştirakçılarında ənənəvi Çin bayramları və mədəniyyəti haqqında geniş təsəvvür formalaşdırırlar. 2014-cü iin oktyabr ayında BDU nəzdindəki Konfutsi İnstitutunda Çin dili tədrisinin səviyyəsinin yüksəldilməsi məqsədi ilə rəqəmsal linqafon laboratoriyası istifadəyə verilmişdir. 2021-ci il 25 yanvar tarixində BDU ilə Anhui Universiteti arasında imzalanmış Əməkdaşlıq Sazışınə əsasən İnstitutun fəaliyyəti daha da təkmilləşdirilmiş və hazırda aşağıdakı sahələri özündə ehtiva edir:
- Çin dili tədris proqramları və əlaqəli tədqiqatlar;
- Dil və mədəniyyət mübadiləsi fəaliyyətləri;
- Çin dili müəllimlərinin təlimi və təkmilləşdirilmə kursları;
- Çin dilində təhsil resurslarının təkmilləşdirilməsi;
- Çin dili və mədəniyyəti üzrə akkreditasiya testlərinin təşkili;
- Çin dili kursları (kurslar 4 pillədən ibarətdir. (3 aylıq, 6 aylıq, 9 aylıq və 12 aylıq);
- Danışıq klubu;
- ÇXR Təhsil Nazirliyinin Dövlət Çin dili imtahanına (HSK) hazırlıq.
 |
 |
 |
| Konfutsi İnstutunda dərs prosesi | Nəsimi Festivalı çərçivəsində "Qorxmuş ruh" dramı | "Çin körpüsü" müsabiqəsi |
Bakı King Sejong İnstitutu
Bakı King Sejong İnstitutu – 2018-ci il 23 iyul tarixində Koreya Respublikasının Kinq Sejonq İnstitutu Fondu və Bakı Dövlət Universiteti arasında əldə olunmuş razılığa əsasən BDU nəzdində Bakı King Sejong İnstitutunun əsası qoyulmuşdur. Kinq Sejonq İnstitutu Koreya hökuməti tərəfindən 2005-ci ildə qurulub və dünyanın 50-dən artıq ölkəsində faliyyət göstərir. İnstitutun əsas məqsədi koreya dilinin, mədəniyyətinin tədris edilməsi və yayılması, həmçinin müəllimlərin təhsil, informasiya xidməti ilə hərtərəfli inteqrasiya olunmalarına yardım etməkdir. King Sejong İnstitutu Cənubi Qafqazda ilk dəfə olaraq Bakı Dövlət Universitetində təsis edilib. İnstitutun əməkdaşları əsasən koreyalı mütəxəssislərdir. Onlar eyni zamanda Şərqşünaslıq fakültəsində Koreya dili və ədəbiyyatının tədrisi prosesinə də cəlb olunublar.
İnstitutun əsas fəaliyyət istiqamətləri:
• Koreya dili tədris proqramları və əlaqəli tədqiqatlar;
• Koreya dili və mədəniyyətinin təşviqi;
• Koreya dilində tədris resurslarının təkmilləşdirilməsi;
• Koreya dili kursları.
 |
 |
 |
| Bakı Sejonq İnstitutunda qış semestrinin bitmə mərasimi | Bakı Sejonq İnstitutunda sertifikatların təqdim edilməsi | Koreya dili kurslarını uğurla bitirən tələbələr |