Seminarda Sumqayıt Dövlət Universitetinin müəllimi Ülviyyə Əliyeva "Qərarlaşmayan dalğa proseslərinin reologiyalı mühitlərdə riyazi modelləşdirilməsi və tədqiqat üsulları" mövzusunda məruzə etdi.
İşdə xarici təsadüfi qüvvələrin təsiri ilə reologiyalı mühitlərdə yaranan qərarlaşmayan dinamik dalğaların yayılmasının riyazi modeli qurulmuşdur. Burada inteqral çevirmələr və ardıcıl yaxınlaşma üsullarından istifadə edilmişdir. Qurulmuş riyazi modellər və işlənmiş həll üsulları layihələndirmə proseslərində istifadə edilə bilər.
Seminarda institutun əməkdaşları, onlayın formada Azərbaycanın müxtəli universitetlərindən alimlər, xarici qonaqlardan Türkiyənin Agrı İbrahim Cecen Universitetinin Riyaziyyat bölməsinin professoru Ahmet Ocak Akdemir, Ordu Universitetinin Riyaziyyat bölməsinin professoru Erhan Set, İranın Marağa Universitetinin Riyaziyyat bölməsinin professoru Ali Şükrü iştirak edirdilər.
Seminar disskusiya şəklində davam etdi, sonda məruzəçi onla verilən sualları cavablandırdı.
