AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Psixoloji yardım sektorunun "Liderlik məktəbi" layihəsi yekunlaşıb.

Psixoloji yardım sektorunun psixoloqu Natəvan Həsənzadə layihənin aktiv iştirakçısı olan tələbələrlə görüşüb. O qeyd edib ki, iki ay ərzində gənclərin liderlik və komanda işini öyrənmələrinə dəstək olmağı hədəfləyən layihədə 20-dək tələbə iştirak edib. Layihə müddətində tələbələrə qrup idarəetməsi, düzgün qərar qəbuletmə və effektiv ünsiyyət bacarıqları öyrədilib, onların tənqidi düşüncə və analiz qabiliyyətləri inkişaf etdirilib.

Görüşün sonunda tələbələrlə layihə boyu görülən işlərin monitorinqi müzakirə edilib. Tələbələrə strateji planlama - SWOT analiz haqqında məlumat verilib və çalışmalar yerinə yetirilib.