elm
Bakı Dövlət Universitetinin (BDU) Tədqiqat, İnkişaf və İnnovasiyalar üzrə Mükəmməllik Mərkəzinin nəzdində Hüceyrə kulturası və genom redaktəsi elmi-tədqiqat laboratoriyasının müdiri Qumru Hüseynova İzmir Yüksək Texnologiyalar İnstitutunun müxtəlif növ bitkilərdə genom redaktəsinin tətbiqi ilə bağlı layihəsində iştirak edib.
Qumru Hüseynova İzmir Yüksək Texnologiyalar İnstitutunun professorları Sami Doğanlar, Anna Frary və Asena Akköşe tərəfindən "Pambıq bitkisində Crisp Cas 9 tətbiqi" ilə bağlı nəzəri təcrübələrə qatılıb.
Təlimdə Hüceyrə kulturası və genom redaktəsi elmi-tədqiqat laboratoriyasının inkişaf etdirilməsi istiqamətində birgə əməkdaşlığa dair məsələlər də müzakirə edilib. Daha sonra Qumru Hüseynova laboratoriyada hüceyrə kulturasının tətbiqi ilə əlaqədar İzmir Yüksək Texnologiyalar Universitetinin Texnoparkında yerləşən “Floria bio” şirkətinin fəaliyyəti ilə tanış olub.
