AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetində (BDU) Qazaxıstanın Atırau Neft və Qaz Universitetinin Təkmilləşdirmə və Əlavə Təhsil İnstitutunun direktoru Akmaral Jalgasbaeva və Neft və qaz fakültəsinin dekanı Reyhan Süleymenova ilə görüş olub.

Qonaqları salamlayan rektor Elçin Babayev Qazaxıstan universitetlərinin BDU-nun beynəlxalq əlaqələrində xüsusi çəkiyə malik olduğunu bildirib. Bu baxımdan Atırau Neft və Qaz Universiteti ilə imzalanmış əməkdaşlıq müqaviləsindən gözləntilərin böyük olduğunu, bunun iki qardaş ölkə arasında təhsil və elmi-tədqiqat sahəsində əməkdaşlığın daha da genişlənməsinə xidmət edəcəyinə əminliyini bildirib.

Qonaqlar BDU ilə elm və təhsil sahəsində əlaqələrin genişləndirilməsi, tələbə-müəllim mübadiləsinin vacibliyini bildirib, Atırau Neft və Qaz Universitetinin əlavə təhsil sahəsində təcrübəsini bölüşüblər.