AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Şərqşünaslıq fakültəsinin Regionşünaslıq (Koreya üzrə) ixtisasının III kurs tələbələri Nərmin Zeynalova, Məryəm Abasova,  Uzaq Şərq dilləri və ədəbiyyatı kafedrasının Koreya dili üzrə müəllimi, eyni zamanda Koreya Fondunun qonaq professoru Moon Eun Hyun Abılay xan adına Qazax Beynəlxalq Münasibətlər və Dünya Dilləri Universitetində keçirilən XIV Mərkəzi Asiya Koreyaşünaslıq Olimpiadası və Müstəqil Dövlətlər Birliyi (MDB) Koreyaşünas Gənc Tədqiqatçıların IX Konfransında iştirak ediblər.

Olimpiadada Şərqşünaslıq fakültəsinin tələbəsi Nərmin Zeynalova III yerə layiq görülərək, diplom və sertifikatla mükafatlandırılıb. Məryəm Abasova isə sertifikata layiq görülüb.

Tələbələrimizi təbrik edir, uğurlar arzulayırıq!