BDU-nun tələbə və müəllimləri üçün “Huawei İKT Müsabiqəsi”ndə iştirak imkanı
Bakı Dövlət Universitetinin (BDU) tələbə və müəllimləri “Huawei” şirkətinin 2026-2027-ci illər üzrə təşkil etdiyi “Huawei İKT Müsabiqəsi”də (Huawei ICT Competition) iştirak edə bilərlər.
Müsabiqə praktiki, innovasiya və tədris istiqamətləri üzrə keçirilir. Müsabiqənin qlobal finalının 2027-ci ilin may ayında Çinin Şençjen şəhərində keçirilməsi nəzərdə tutulur.
İştirak etmək istəyən şəxslər “Huawei Talent Portal” platformasında hesab yaratmalı və hesabın e-poçt ünvanını qeydiyyat formasında qeyd etməlidirlər. Qeydiyyat Universitet tərəfindən həyata keçiriləcək. İştirakçıların fərdi qeydiyyatdan keçməsinə ehtiyac yoxdur.
Qeyd edək ki, “Huawei İKT Müsabiqəsi” tələbə və müəllimlərin informasiya-kommunikasiya texnologiyaları (İKT) sahəsində bilik və bacarıqlarını inkişaf etdirmək, praktiki təcrübələrini artırmaq və innovativ həllər yaratmaq imkanlarını genişləndirmək məqsədi daşıyan beynəlxalq platformadır. Müsabiqə iştirakçılara bilik və bacarıqlarını beynəlxalq səviyyədə nümayiş etdirmək imkanı yaradır.
Son tarix: 25 oktyabr 2026-cı il, saat 23:59.
Qeydiyyat formu: https://forms.gle/QzKC6ppoHXvRRXEu5
Hesabın yaradılması qaydası: https://tinyurl.com/bdu-huawei-qeydiyyat
Müsabiqə haqqında ətraflı məlumat: https://tinyurl.com/bdu-huawei-umumi