AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Karyera və məzunlarla iş Mərkəzinin əməkdaşları  ilə “Bakcell”in nümayəndəsi arasında görüş keçirilib. Görüşün keçirilməsində məqsəd BDU-nun tələbə və məzunlarının təcrübə proqramlarına cəlb edilməsi, onların texnologiya və telekommunikasiya sahəsində məşğulluq səviyyəsinin artırılması istiqamətində fəaliyyətin təşkili olub.

Bildirilib ki, Təhsilin İnkişaf Fondu ilə “Bakcell” arasında bağlanmış əməkdaşlıq müqaviləsinə əsasən, tələbələrə 5GB həcmində internet paketinin verilməsi, həmçinin universitetlərdə təcrübə proqramları haqqında təbliğat fəaliyyətinin genişləndirilməsi, uğurlu nəticə göstərən tələbələrin işlə təmin edilməsinə dəstək göstərilməsi nəzərdə tutulub.