AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Sosial elmlər və psixologiya fakültəsinin məzunu, Vətən müharibəsi şəhidi Ataməli Musaoğlunun məzarı ziyarət olunub. Ziyarətdə Psixologiya kafedrasının müdiri Səxavət Əliyeva və kafedranın əməkdaşları iştirak ediblər.

Onlar şəhidin məzarı üzərinə gül dəstələri düzüb, xatirəsini ehtiramla yad edib, ailə üzvləri ilə görüşüblər.

Ataməli Musaoğlu 2012-ci ildə yüksək balla BDU-nun Sosial elmlər və psixologiya fakültəsinin “Psixologiya” ixtisasına qəbul olunub. 2020-ci il sentyabrın 27-də könüllü olaraq cəbhəyə yollanıb. Azərbaycan Silahlı Qüvvələrinin baş kəşfiyyatçısı olan Ataməli Musaoğlu oktyabrın 16-da Ağdərə döyüşləri zamanı yaralı dostunu xilas edərkən şəhidlik zirvəsinə ucalıb.