BDU İntellekt Liqasının final mərhələsi başa çatıb
Bakı Dövlət Universitetində ( BDU) “BDU könüllüləri” təşkilatının təşəbbüsü, “Apply-Uni” Xaricdə Təhsil Şirkətinin baş sponsorluğu, “Berg” şirkətinin tərəfdaşlığı ilə “Konstitusiya və Suverenlik İli”nə həsr olunmuş BDU İntellekt Liqasının final mərhələsi keçirilib.
Final mərhələsinin sonunda BDU-nun Humanitar məsələlər və gənclər siyasəti şöbəsinin müdiri Ramin Səmədov intellektual oyunların tələbələrin analitik düşünmə bacarıqlarının inkişafında, komanda ruhunun formalaşmasında və sosial fəallığın artırılmasında mühüm rol oynadığını vurğulayıb, iştirakçılara uğurlar arzulayıb.
19 komandanın mübarizə apardığı final mərhələsində iştirakçılar BDU-nun ən güclü komandası adını qazanmaq və kuboka sahib olmaq uğrunda biliklərini sınayıblar.
Üç mərhələdən ibarət yarışın yekununda “Lusıfır4” komandası I yerə, “Sapientia” komandası II yerə, “Hexateam” komandası isə III yerə layiq görülüb. Qalib komandalar sertifikat və kuboklarla təltif olunublar.
