BDU-da “PEŞƏkar söhbətlər” layihəsinə start verilir
Bakı Dövlət Universitetinin (BDU) Tələbə Həmkarlar İttifaqı Komitəsinin (THİK) və Karyera və məzunlarla iş Mərkəzinin birgə təşkilatçılığı ilə tələbələrin karyera inkişafına dəstək məqsədilə “PEŞƏkar söhbətlər” layihəsi həyata keçiriləcək. Layihənin əsas məqsədi tələbələrlə peşəkarlar arasında birbaşa ünsiyyət imkanları yaratmaq, onların əmək bazarının tələbləri, işə qəbul prosesi və karyera planlaması ilə bağlı məlumatlılığını artırmaqdır.
Layihə çərçivəsində ayda iki dəfə təşkil olunacaq görüşlərdə tələbələr HR mütəxəssisləri, şirkət nümayəndələri, işəgötürənlər, universitet məzunları və müxtəlif sahələr üzrə ekspertlərlə görüşərək onların təcrübə və tövsiyələrindən yararlanacaqlar. İnteraktiv formatda təşkil olunacaq görüşlərdə mövzu üzrə müzakirələr, sual-cavab sessiyaları və təcrübə mübadiləsi aparılacaq, tələbələr üçün yeni peşəkar əlaqələr qurmaq imkanı yaradılacaq