AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetində (BDU) Dünya Robot Olimpiadası (WRO) haqqında maarifləndirici infosessiya keçirilib.

Elmi fəaliyyətin təşkili və innovasiyalar Mərkəzinin direktoru Mais Süleymanov bu cür beynəlxalq layihələrin gənclərin texnologiyaya olan marağını artırmaqla yanaşı, ölkənin elmi-texniki inkişafına töhfə verdiyini vurğulayıb.

Gənclər və İdman Nazirliyinin Gənclərlə iş şöbəsinin məsləhətçisi Fərid Əhmədov tələbələrə olimpiada haqqında məlumat verib.

Azərbaycan Robotexnika və Mühəndisliyi Akademiyasının və Dünya Robot Olimpiadasının təmsilçisi Fədayə Vəliyeva yarışın müxtəlif kateqoriyaları, qiymətləndirmə meyarları və iştirakçıların qarşısında qoyulan texniki tapşırıqlar barədə  təqdimat edib. O bildirib ki, bu beynəlxalq platforma gənclərə məntiqi təfəkkür, problem həll etmə, komanda işi və yaradıcılıq bacarıqlarını inkişaf etdirmək imkanı verir. Olimpiada kompüter proqramlaşdırması, mühəndislik və mədəniyyətlərarası dialoqu təşviq edən unikal bir mühit yaradır.

Tədbirin sonunda tələbələrin sualları cavablandırılıb.