Qazaxıstanın Abay Qazax Milli Pedaqoji Universitetinin magistrantları BDU-da elmi təcrübə keçiblər
BEYNƏLMİLƏLLƏŞMƏ
15 Dekabr 2025 13:02
Qazaxıstanın Abay Qazax Milli Pedaqoji Universitetinin “Riyaziyyat müəllimliyi” ixtisası üzrə ikinci kurs magistrantları Bakı Dövlət Universitetinin (BDU) Mexanika-riyaziyyat fakültəsində elmi təcrübə keçiblər.
Elmi təcrübə proqramı iki ali təhsil müəssisəsi arasında mövcud əməkdaşlıq əlaqələri çərçivəsində həyata keçirilib. Təcrübənin əsas məqsədi magistrantların nəzəri biliklərini praktik fəaliyyətlə uzlaşdırmaq, elmi-tədqiqat bacarıqlarını inkişaf etdirmək, eləcə də onların müasir informasiya texnologiyaları, tətbiqi riyaziyyat və kibernetika sahələri üzrə biliklərini genişləndirmək olub.
Təcrübə müddətində magistrantlar fakültənin elmi laboratoriya və kafedralarında aparılan tədqiqat işləri ilə tanış olub, professor-müəllim heyətinin mühazirə və seminarlarında iştirak ediblər.
Proqramın sonunda magistrantlara BDU tərəfindən sertifikatlar təqdim olunub. İki universitet arasında akademik və elmi əməkdaşlığın əhəmiyyəti vurğulanıb, gələcəkdə birgə layihələrin və elmi tədqiqatların həyata keçirilməsinin vacibliyi qeyd edilib.
Son XƏBƏRLƏR
04.02.2026 | 09:38
BDU-nun rektoru Vyanada Azərbaycan Mədəniyyət Mərkəzində keçirilən tədbirdə iştirak edib
03.02.2026 | 16:02
“BDU könüllüləri” təşkilatının idarə heyətinin üzvləri təltif olunub
03.02.2026 | 12:01
BDU-nun nəzdində “Gənc istedadlar” liseyinin şagirdlərinin növbəti uğuru
03.02.2026 | 11:32