BMT/Azərbaycan beynəlxalq tədbirinin iştirakçıları “Azərkosmos”da
Birləşmiş Millətlər Təşkilatının (BMT) Xarici Kosmos Məsələləri üzrə Ofisi (UNOOSA) və Bakı Dövlət Universitetinin (BDU) təşkilatçılığı, Qlobal Naviqasiya Peyk Sistemləri (GNSS) üzrə Beynəlxalq Komitə (ICG) və Amerika Birləşmiş Ştatları Milli Aeronavtika və Kosmos İdarəsinin (NASA) tərəfdaşlığı və dəstəyi ilə “Beynəlxalq Kosmik Hava Təşəbbüsü: Günəş, Kosmik Hava və Geosfer” BMT/Azərbaycan beynəlxalq tədbirinin iştirakçıları Azərbaycan Respublikasının Kosmik Agentliyinə (Azərkosmos) səfər ediblər.
Qonaqlara Azərbaycanın kosmik sahə üzrə layihələri və Agentliyin fəaliyyəti haqqında ətraflı məlumat verilib. Daha sonra beynəlxalq tədbirin iştirakçıları “Azərspace-2” peykinin idarəetmə sistemi ilə tanış olublar.
Görüşdə qonaqları maraqlandıran suallar cavablandırılıb.
