BDU-nun Biologiya fakültəsində mitoxondrial genetik xəstəliklərə dair elmi seminar
Bakı Dövlət Universitetinin (BDU) Biologiya fakültəsinin Tələbə Elmi Cəmiyyətinin təşkilatçılığı ilə “Yaşıl dünya naminə həmrəylik ili”nə həsr olunmuş "Mitoxondrial elektron-nəqliyyat zəncirində kompleks I molekulyar təşkili və onun qüsurları nəticəsində yaranan bir sıra genetik xəstəliklər" adlı elmi seminar keçirilib.
Biologiya fakültəsinin II kurs magistrantları Məltəm Qasımova və Dinarə Cavadzadə tərəfindən keçirilən seminar elmi tədqiqat işinin müdafiəsi formatında təşkil olunub.
Məruzədə qeyd olunub ki, hər bir hüceyrənin daimi orqanoidlərindən biri də mitoxondrilərdir. Mitoxondrinin əsas vəzifəsi hüceyrəni enerji ilə təmin edən üzvi maddə - adenozintrifosfat turşusu (ATF) sintezidir. Məruzədə mitoxondrinin daxilində zəncirvari elektron ötürülmə prosesləri nəticəsində yaranan genetik xəstəliklər haqqında məlumat verilib. Çıxışçılar bu genetik xəstəliklərin müəyyən olunması və təzahürü haqqında danışıb, tədqiqatın metodologiyasından bəhs ediblər.
Sonda iştirakçıların sualları cavablandırılıb.
