“BDU könüllüləri” təşkilatının “Qış nağılı” konsert proqramı
Bakı Dövlət Universitetinin (BDU) “BDU könüllüləri” təşkilatının “KönüllüBand” musiqi klubunun təşkilatçılığı ilə “Qış nağılı” konsert proqramı təşkil olunub.
BDU-nun Humanitar məsələlər və gənclər siyasəti şöbəsinin müdiri Ramin Səmədov Universitetin ictimai-sosial həyatının əsas iştirakçısına çevrilən BDU könüllülərinin il ərzindəki uğurlu fəaliyyətindən söz açıb. Bildirib ki, könüllülər istər Universitetin daxilində, istərsə də ölkədaxili və beynəlxalq tədbirlərdə BDU-nu layiqli şəkildə təmsil ediblər: “Əziz gənclər, 2026-cı ildə də təhsil həyatınızda və sosial fəaliyyətinizdə bol uğurlar arzulayırıq!”.
Proqramda könüllülərin ifasında “Qaçma, gözəl”, “Sənlə olmaz ki”, “Gəl gedək”, “Ölsəm, bağışla”, “Tar-kamanım”, “Sahil boyu”, “Ovuç içi qədər xoşbəxtlik yetər” kimi sevilən musiqi nömrələri səsləndirilib.
