BDU DİM-in təşkilatçılığı ilə ali təhsil müəssisələrinin sərgisində uğurla təmsil olunur
Bakı Dövlət Universiteti (BDU) Dövlət İmtahan Mərkəzinin (DİM) təşkilatçılığı ilə keçirilən ali təhsil müəssisələrinin sərgisində uğurla təmsil olunur.
İxtisas seçimi ərəfəsində abituriyentlərin düzgün yönləndirilməsi və onların qərar vermə prosesinə dəstək məqsədilə keçirilən sərgidə BDU nümayəndələri ziyarətçilərə ölkənin ən köklü ali təhsil ocağının ixtisasları, ikili diplom proqramları, təhsil və karyera imkanları, həmçinin təqaüd və güzəşt paketləri barədə ətraflı məlumat təqdim edirlər.
DİM-in elektron imtahanlar korpusunda təşkil olunan və 40-a yaxın ali təhsil müəssisəsinin iştirak etdiyi sərgidə Universitetin elmi-metodiki bazası və müasir tədris infrastrukturu əyani vəsaitlərlə nümayiş etdirilir.
Qeyd edək ki, sərgi iyulun 31-dək davam edəcək.
