BDU-da narkomaniyaya qarşı maarifləndirici tədbir
Bakı Dövlət Universitetinin (BDU) Coğrafiya fakültəsi Tələbə Gənclər Təşkilatının (TGT) təşkilatçılığı ilə “Yox de, həyatını qurtar” adlı maarifləndirici tədbir keçirilib.
Tədbirin əsas məqsədi gənclər arasında narkomaniyanın zərərləri barədə məlumatlılığı artırmaq, sağlam həyat tərzini təşviq etmək və bu təhlükəli vərdişdən uzaq durmağın vacibliyini diqqətə çatdırmaq olub.
Coğrafiya fakültəsinin sosial məsələlər və tələbələrlə iş üzrə dekan müavini Qoşqar Məmmədov narkomaniyanın cəmiyyət, xüsusilə gənclər üçün yaratdığı ciddi təhlükələrdən bəhs edib. O, bu kimi maarifləndirici tədbirlərin əhəmiyyətini vurğulayaraq, tələbələri zərərli vərdişlərdən uzaq olmağa çağırıb.
Tədbirdə narkomaniyanın insan həyatına, sağlamlığına və gələcəyinə vurduğu zərərlər haqqında videoçarx təqdim edilib.
Sonda tələbələrin ifasında narkomaniyanın fərdi və sosial fəsadlarını əks etdirən səhnəcik nümayiş olunub.
