BDU-da metal nanohissəciklərin canlı orqanizmlərə təsirinin xüsusiyyətləri öyrənilir
Bakı Dövlət Universitetinin Zoologiya və fiziologiya kafedrasının dosenti Çingiz Məmmədov, Biofizika və biokimya kafedrasının müdiri Rövşən Xəlilov və həmin kafedranın doktorantı Aysel Hacıyevanın həmmüəllifi olduqları “Adi çəkinin qaraciyərində dəmir oksidi nanohissəciklərinin yığılmasının ultrastruktur tədqiqatı (Cyprinus carpio (Linnaeus, 1758))” adlı məqalə “Web of Science” elmmetrik bazasına daxil olan (IF: 4,5) “Aquatic Toxicology” jurnalında dərc olunub.
https://www.sciencedirect.com/science/article/pii/S0166445X24001310
Son illərdə nanohissəciklərin geniş tətbiqi, intensiv istehsalı onların ətraf mühitə, o cümlədən su ekosisteminə ötürülməsinə səbəb olub. Balıqlarda nanohissəciklərin toplanması, sahibində müxtəlif patoloji dəyişikliklərə səbəb olması müəyyən narahatlıqlar yaradır. Tədqiqatda adi çəkinin qaraciyərində Fe3O4 nanohissəciklərinin toplanması və bioakkumulyasiyası araşdırılıb.