AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Azərbaycan Respublikasının Gənclər Fondunun dəstəyi, Gənclərin Maarifləndirilməsinə Dəstək İctimai Birliyi və "BDU könüllüləri" təşkilatının təşkilatçılığı ilə Bakı Dövlət Universitetinin (BDU) nəzdində "Gənc istedadlar" liseyində "İqlim həftəsi" layihəsi həyata keçirilir.

Layihənin məqsədi şagirdlərin ekoloji maarifləndirilməsi, onlarda ətraf mühitin qorunması ilə bağlı bilik və bacarıqlar, davranış vərdişləri formalaşdırmaqdır.

“İqlim həftəsi” layihəsi çərçivəsində “İqlim dəyişikliyi və COP29”, “İqlim dəyişikliyinin Azərbaycanın biomüxtəlifliyinə təsirləri”, “Torpaq və onun müxtəlifliyi”, “Meşələr və ətraf mühit” mövzularında müzakirələr aparılacaq.

“İqlim həftəsi” layihəsi noyabrın 4-dək davam edəcək.