AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Gənclər və İdman Nazirliyi, Elm və Təhsil Nazirliyi, Qərbi Azərbaycan İcması, “Regional İnkişaf” İctimai Birliyi, “ASAN Könüllüləri” Təşkilatı və Bakı Dövlət Universitetinin birgə təşkilatçılığı ilə keçirilən “Tarixin izi ilə: yaddaşımız gələcəyimizdir” IV gənclər düşərgəsinin ikinci günü başa çatıb.

Günün sonunda Vətən müharibəsi iştirakçısı, ehtiyatda olan mayor İlkin Ağazadə tərəfindən “İlkin tibbi yardım və ekstremal şəraitdə sağ qalmağın yolları” adlı təlim keçirilib.

Təlimdə iştirakçılara çətin hava və ərazi şəraitində istiqamətlənmə, ilkin tibbi yardım, su və qida tapmaq, ocaq qalamaq və təhlükəsizlik tədbirlərinə riayət etmək kimi həyatda qalmağın əsas prinsipləri ətraflı şəkildə izah olunub.