BDU THİK aktiv tələbələri mükafatlandırıb
Bakı Dövlət Universitetinin (BDU) Tələbə Həmkarlar İttifaqı Komitəsi (THİK) tərəfindən BDU-nun ictimai həyatında aktiv fəaliyyət göstərən və fərqlənən tələbə-gənclərə təşəkkürnamələr təqdim olunub.
BDU-nun Humanitar məsələlər və gənclər siyasəti şöbəsinin müdiri Ramin Səmədov THİK-in uğurlu fəaliyyətlərindən söz açıb. O, tələbələrin təşəbbüskarlığını və ictimai fəallığını yüksək qiymətləndirib, onların BDU-nun həyatında mühüm rolu olduğunu bildirib.
BDU THİK-in sədri Zöhrab Cavadzadə Komitənin gənclərə verdiyi töhfələrdən bəhs edib. THİK-in son illər aktiv fəaliyyət göstərdiyini və ətrafında daha çox fəal tələbəni birləşdirdiyini vurğulayıb. O qeyd edib ki, THİK-in əsas məqsədi tələbələrin ictimai-sosial həyatlarına təkan vermək, fəaliyyətlərini stimullaşdırmaqdır.
Sonda BDU THİK-in fakültə, departament və klub sədrlərinə və İdarə Heyətinin fəal üzvlərinə təşəkkürnamələr təqdim edilib.
-xs.jpg)
