AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Heydər Əliyev muzeyinin təşkilatçılığı ilə Filologiya fakültəsinin I kurs tələbələri Azərbaycanın qələbə tarixini əks etdirən Zəfər muzeyini ziyarət ediblər.

Tələbələr muzeydə Vətən müharibəsində qazanılmış tarixi Qələbənin əhəmiyyətini əks etdirən eksponatlarla tanış olub, Azərbaycanın ərazi bütövlüyü və suverenliyi uğrunda aparılan mübarizə, şəhidlərimizin qəhrəmanlığı və Azərbaycan Ordusunun şücaəti haqqında ətraflı məlumat əldə ediblər.

Muzeydə ziyarətçilərə 8 ekspozisiya zalında şanlı Qələbənin motivləri tam və interaktiv formada təqdim olunur. Muzeyin ekspozisiyası beynəlxalq təcrübə və dünyada mövcud muzey konsepsiyaları əsas götürülməklə, həmçinin ən son texnologiyalar tətbiq edilməklə işlənilib.