BDU-nun 14 tələbəsinə Azərbaycan Təhsil İşçiləri Azad Həmkarlar İttifaqı Respublika Komitəsinin adlı təqaüdü verilib
Azərbaycan Həmkarlar İttifaqları Konfederasiyasının (AHİK) üzv təşkilatı Azərbaycan Təhsil İşçiləri Azad Həmkarlar İttifaqı Respublika Komitəsi (ATİAHİ RK) tərəfindən təhsildə və tələbə həmkarlar ittifaqı hərəkatında fəal iştirak edən 308 tələbəyə adlı təqaüd təqdim edilib.
Onların arasında BDU-nun 14 tələbəsi – Aişə Teymurlu, İnci Bayramlı, Aydan Paşazadə, Nəzrin Məmmədzadə, Aycan Eyvazlı, Tərlalə Abbaslı, Ləman Lazımzadə, Salman Vahabov, Hüseyn Hüseynli, Aysu Mehdiyeva, Əli Ələkbərli, Fidan Qəniyeva, Rəvan Məmmədov, Cavidan Xankişiyev də var.
ATİAHİ RK-nın “Adlı təqaüd” layihəsi 1995-ci ildən həyata keçirilir. Əvvəlki illərdə hər semestr üzrə 65 tələbəyə, 2024-2025-ci tədris ilinin birinci semestrinin yekunlarına görə 100, ikinci semestrinin nəticələrinə əsasən isə 308 tələbəyə “Adlı təqaüd” verilib. İndiyədək 3179 tələbə bu təqaüdə layiq görülüb.