AZƏRBAYCAN RESPUBLİKASININ ELM VƏ TƏHSİL NAZİRLİYİ Bakı Dövlət Universiteti

Bakı Dövlət Universitetinin (BDU) Hüquq fakültəsinin tələbələri 25-30 noyabr tarixlərində Belarus Respublikasının Minsk şəhərində "Nürnberq prosesi və müasir beynəlxalq hüquq" II Beynəlxalq müsabiqəsində iştirak ediblər. Müsabiqəyə 5 ölkədən 40-dan artıq komanda qatılıb.

Müsabiqədə Hüquq fakültəsini IV kurs tələbələri İsmət Bayramov, Zeynal Zeynallı və II kurs tələbəsi Ələm Nəbizadədən ibarət komanda təmsil edib.

BDU komandası müsabiqədə III yerə layiq görülüb və "Müdafiə tərəfinin hüquqi mövqeyinin ən yaxşı təqdimatına görə" nominasiyası ilə təltif olunub. Komanda iştirakçısı Zeynal Zeynallı isə "Ən yaxşı natiq" nominasiyasının qalibi olub.