BDU-da doktorant və dissertantlarla görüşlər keçirilir
Bakı Dövlət Universitetinin (BDU) fakültələrində doktorant və dissertantlarla görüşlər keçirilir.
İclaslarda BDU-nun elm və innovasiyalar üzrə prorektoru Hüseyn Məmmədov, Elmi fəaliyyətin təşkili və innovasiyalar mərkəzinin direktoru Mais Süleymanov, Doktorantura şöbəsinin müdiri Mirnamik Bəşirov, fakültələrin elmi işlər üzrə dekan müavinləri iştirak edirlər. Görüşlər zamanı təhsil müddəti bitmək üzrə olan və yeni qəbul olmuş doktorant və dissertantlara tövsiyələr verilib, onlardan gözlənilən öhdəlik və tələblərlə bağlı ətraflı məlumat təqdim edilib.
Azərbaycan Respublikası Nazirlər Kabinetinin 2010-cu il 1 iyul tarixli, 129 nömrəli qərarı ilə təsdiq edilmiş “Doktoranturaların yaradılması və doktoranturaya qəbul Qaydaları”nın 3.27-ci və 4.7-ci bəndləri xüsusilə vurğulanıb, qaydalarda göstərilən tələblərin yerinə yetirilməsinin vacibliyi və ixtisas imtahanlarının təhsil müddətində verilməsi zərurəti qeyd edilib.
Sonda doktorantların sualları cavablandırılıb.
