“Anthology” şirkətinin nümayəndə heyəti BDU-da olub
Bakı Dövlət Universitetində (BDU) beynəlxalq əməkdaşlıq çərçivəsində “Anthology” şirkətinin nümayəndə heyəti ilə görüş keçirilib. Qonaqlar BDU-nun rektoru Elçin Babayev ilə təhsil texnologiyaları və akademik inkişaf sahəsində əməkdaşlıq imkanlarını müzakirə ediblər.
Görüş zamanı tərəflər Universitetdə təhsil texnologiyalarının tətbiqi, tələbə və müəllimlərin peşəkar inkişafının dəstəklənməsi, eləcə də beynəlxalq təcrübənin paylaşılması imkanları barədə müzakirə aparıblar. Qonaqlar BDU-nun təhsil və tədqiqat infrastrukturunu yüksək qiymətləndirərək, gələcək əməkdaşlıq perspektivlərini vurğulayıblar.
BDU rəhbərliyi qonaqlara Universitetin müasir təhsil strategiyaları, innovativ layihələri və beynəlxalq əlaqələri barədə geniş məlumat təqdim edib.
