BDU-da Qoşulmama Hərəkatı Gənclər Təşkilatının infosessiyası keçirilib
Bakı Dövlət Universitetində (BDU) Qoşulmama Hərəkatı Gənclər Təşkilatının (QHGT) infosessiyası keçirilib. Gəncləri QHGT-nin fəaliyyəti haqqında məlumatlandırmaq, onların liderlik və problemləri həll etmək bacarıqlarını gücləndirmək məqsədi daşıyan tədbir "BDU könüllüləri"nin təşkilatçılığı ilə təşkil edilib.
İnfosessiyada çıxış edən QHGT-nin protokol və tədbirlərin təşkili üzrə meneceri Eldar Qurbanov iştirakçılara təşkilatın yaranma tarixi, məqsəd və vəzifələri, üzvlük prosesi və həyata keçirilən tədbirlər barədə ətraflı məlumat verib. QHGT-nin gənclərin inkişafına yönəlmiş müxtəlif layihələrini təqdim edib.
QHGT-nin Tədqiqat Mərkəzinin assistenti Həcər Abdulla iştirakçıları Mərkəzin fəaliyyəti, elmi-tədqiqat istiqamətləri və gələcək planları ilə tanış edib. Sonra “Azərbaycanın mina böhranı" mövzusunda simulyasiya oyunu təşkil olunub. Oyun gənclərin komandada işləmə, kritik düşünmə və qərarvermə bacarıqlarının inkişaf etdirilməsinə yönəlib.
